मागील काही दिवसांपासून चित्रपटांपेक्षा रंगभूमीवरच जास्त रमलेला मराठमोळा अभिनेता संजय नार्वेकर पुन्हा एकदा अण्णाच्या भूमिकेत प्रेक्षकांच्या भेटीला येत आहे. हा अण्णा आता साऊथ आफ्रिकेहून भारतात परतला आहे.
मागच्या वर्षी जानेवारी महिन्यात प्रदर्शित झालेल्या ‘ये रे ये रे पैसा’ या चित्रपटानं तिकीटबारीवरही चांगलेच पैसे कमावले. त्यामुळं लगेचच या चित्रपटाच्या सिक्वेलची घोषणाही करण्यात आली होती. ‘ये रे ये रे पैसा’मधील सर्वच व्यक्तिरेखा प्रेक्षकांच्या पसंतीस उतरल्या होत्या, पण त्यापैकी संजय नार्वेकरनं साकारलेली अण्णा ही भूमिका लक्षवेधी ठरली होती. मागील काही दिवसांपासून सोशल मीडियावर ‘अण्णा परत येतोय’ अशा आशयाचे मीम्स व्हायरल झाले होतो. हा अण्णा दुसरा तिसरा कुणी नसून ‘ये रे ये रे पैसा’ या चित्रपटातील संजय असल्याचा उलगडा आता झाला आहे.
‘ये रे ये रे पैसा’ या चित्रपटाच्या पहिल्या भागात अण्णा ही मध्यवर्ती भूमिका साकारत संजयनं धमाल उडवून दिली होती. साऊथ आफ्रिकेत गेलेला अण्णा ‘ये रे ये रे पैसा २’मध्ये भारतात परत आल्याचं पहायला मिळणार आहे. ‘ये रे ये रे पैसा’चं यशस्वी दिग्दर्शन संजय जाधवनं केल्यानंतर दुसऱ्या भागाच्या दिग्दर्शनाची धुरा लेखक-अभिनेता-दिग्दर्शक हेमंत ढोमेकडं सोपवण्यात आली आहे. दुसऱ्या भागामध्ये पहिल्या भागापैकी कोणकोणते कलाकार दिसणार याबाबत अद्याप तरी काहीच सांगण्यात आलं नसलं तरी ‘मुंबई लाइव्ह’ला मिळालेल्या माहितीनुसार संजयप्रमाणे मृणाल कुलकर्णीही या चित्रपटात दिसणार आहे.
हेही वाचा -
पावसाळ्यात तक्रारींचा पाऊस, अग्निशमन दलातील ९२७ पदे अद्याप रिक्तच
सलग चौथ्या दिवशी मुंबईत मुसळधार पाऊस, रेल्वे ट्रॅक पाण्याखाली
Share
Tweet
